اتراکھنڈ میں بھیانک سڑک حادثہ، 22 افراد کی موت، کھائی میں گری بس، راحت اور بچاؤ کا کام جاری

الموڑہ: اتراکھنڈ کے الموڑہ میں ایک بھیانک سڑک حادثہ پیش آیا ہے، جس میں 22 لوگوں کی موت ہو گئی ہے۔ کئی لوگوں کے زخمی ہونے کی بھی خبر ہے۔ بتایا جا رہا ہے کہ کیناتھ سے رام نگر جا رہی مسافر بس کھائی میں گر گئی۔ پولیس کو واقعہ کی اطلاع دی گئی۔ اس کے بعد لوگوں کو بحفاظت نکال کر اسپتال لے جایا جا رہا ہے۔ موقع پر راحت اور بچاؤ کا کام جاری ہے۔ بتادیں کہ الموڑہ کے مارچولا کے قریب یہ حادثہ پیش آیا ہے۔ کئی لوگ اب بھی لاپتہ بتائے جارہے ہیں۔ وہیں دیول اسپتال میں 10 افراد زیر علاج ہیں۔ لوگوں کو کھائی سے نکالنے کے لیے ریسکیو آپریشن جاری ہے۔ڈی سی آر الموڑہ نے بتایا کہ اس واقعہ میں 20 زخمیوں کو نکال کر رام نگر اسپتال بھیج دیا گیا ہے اور 20 سے زیادہ افراد کی موت ہوگئی ، جن کی لاشیں نکال لی گئی ہیں اور بچاؤ کا کام جاری ہے۔ نے بتایا کہ بس میں تقریباً 45 سے 50 افراد سوار تھے، جن میں سے تقریباً 40 افراد کو نکال لیا گیا ہے، جس میں تقریباً 20 اموات اور 20 زخمیوں کو نکال لیا گیا ہے اور ریسکیو کا کام جاری ہے۔ بس بارات نامی جگہ سے پوڑی سے رام نگر جا رہی تھی۔